Vawiin chawhma khan Planning & Programme Implementation, Govt. of Mizoram leh District Planning Committee, Lunglei District buatsaihin Sensitization Workshop on District Level Planning chu Convention Centre Conference Hall, Lunglei ah neih ani. Pu Lawmawma Tochhawng, Vice Chairman,High Powered Committee, Lunglei District, Lunglei chuan khuallian niin a hmanpui.He workshop ah hian Heads of Department, VC leh NGO's hrang hrang te an tel ani

Sensitization Workshop hi Pu Lalnundika,SDO (S) DC's Office Lunglei in kaihruaiin Dr. C. Vanlalramsanga, Secretary, Planning & UD&PA, Govt. of Mizoram chuan sawihawnna hun hmangin United Nations chuan Sustainable Development Goals sawmpasarih (17) lungrual taka an tihhlawhtlin theuh turin a kalpui mek a. India ram pawhinSDGs hmang tur hian National leh State level ah hma a la mek zel ani. India rampum huapa SDGs hmalatu chu NITI Aayog ani a, State level ah chuan Planning Department niin, mimal tin thleng phak hmasawnna thlen hi a tum bulpui ani.Mipui huap zau thei ang ber tura SDGs Sensitization Workshop neih tura tih kan nih avangin,Mizoramah a bul tan nan District tinah neih tura tih ani. SDGs mai nilovin Planning process atana tangkai tur District Planning Committee kalphung zirna te, Remote Sensing Application & Geographic Information System (GIS) leh Statistical Database hmanga hmasawnna ruhrel duan dan tur zirhona te nei nghal ila tiin huap zau takin kalpui ani a ti. SDGs theme pui ber 'No one left behind' tih ani a, mipui huapzo hmasawnna tluantling Mizorama thlentir turin Head of Departments te, District Administration hotu te, District Line Department Head of Office te Village Council hotute leh NGO's ten kan khawtlang leh kan ram in a kan mamawh kan hriat chian hia pawimawh hle ani ati.

Khuallian Pu Lawmawma Tochhawng chuan Sorkarin hetiang programme a buatsaih  hi lawmawm ati a, Planning Department in kalphung thar Sustainable Development Goals  kalpui turin hmalak a tum a, tun hun chauh ngaihtuah lova, chhuan lo la awm turte mamawh a lo awm zel theih nana kawng hrang hranga hmasawnna awh rei tir hi SDGs in a tum ani Mahni hmakhua chauh thlira ram hmasawnna nasa tak thlen a, aleh pek tan a khek awm lek lo khawpa resources hrang hrang hman ral leh tichereu hi SDGs hian a hlau em em a ni a ti. .Hmasawnna turah min kaihruaitu tur Planning Department hi ani dawn a, chuvangin Mizoram a mipui huapzo hmasawnna tluantling a tlen theihna turin mawh kan phur theuh ani ati. Lunglei District tan hian tangkai zawk leh hlu zawk a central scheme hman thiam a pawimawh dawn ani, Scheme lokal tur nghak ringawt lovin a haia haichhuah a ngai dawn ani ati. HPC pawh hi Lunglei District tan chhenfakawm zawka kalpui tum niin HPC budget hi Lunglei ta ani a, mipui te tana tangkai tak,fing si, tlo si a hman tum ani ati bawk. Plan leh Scheme te hi kan mamawhna dik tak leh Lunglei District tana hmang theia ngaihtuahna seng tur in a chak bawk ani. Lunglei District hmasawnna tur in Head of Department, VC leh NGO's te chu thawhpuia sawmin thawhrim rah eiho tur in a duh ani.Ei leh bar a nghelnghet neih theihna turin HPC chuan tan lak a tum thu a sawi bawk. Tumah hlamchhiah awm lova hmasawnna khairual tak a  kalpui a  tum thu a sawi bawk.

Chawhnu session chi Pu Vanlamuana, District Research Officer, Economics & Stattistic Dept. Lunglei in kaihruaiin thupui hrang hrang  Dr. C. Vanlalramsanga, Secretary, Planning Dept. in District Planning Committee sawiin, Dr. Lalrinchhana , Dy. Adviser, Planning Department in Sustainable Development Goal sawiin, B. Vanlalruati,RO (NSS), Directorate of Eco & Stats.in Developing Database in the Statistical Cell of Line Department sawiin,  Pu Vanlalnghaka, Scientist, Dte of Science & Technolyogy Application of Remote Sensing & GIS for District Planning in a sawi bawk. Zawhna leh chhanna hun hman ani .