Directorate 0f Economics & Statistics, Aizawl Mizoram buatsaihin ni 2 awh tur 'Retail Price Index and official statistics at the District level' tih thupui hmangin SIRD Conference Hall Keifangtlang, Champhaiah sensitization Workshop neih a ni.

Sensitization workshop hi Champhai DC Charge la mektu Pu Araham Berazi Kithie SDO (Sadar) chuan a hawng a, thusawiin state sawrkar leh mipuite tana Economics & Statistics pawimawihna hrang hrang a tarlang a. Naupiang leh mitthi chhianchhiahtu leh Certificate petu an nih mai bakah thil man hrang hrang lakhawma record fel taka siamtu an nih thu te, state domestic product chhut chhuak thintu an nihna te leh Village Profile tem Census of Govt Employes bu an siam siamtu leh BPL Survey an neih thin thu te, Statistical Handbook an siam thin te chu zirlai leh mipuite tana tangkai tak a nih thu leh record felfai taka vawn a tul thu a sawi bawk.

Sensitization Workshop ah hian Director Pu Lalchhuanawma Hrahsel, Dy. Director Pu Lalrinhlua, leh Senior Research Officer Pi Biakthansangi Hrahsel ten Resource person niin zirtirna an pe a, He sensitization Workshop ah hian directorate leh district atangin mi 37 telin District pariat atangin District Research Officer theuhte leh Inspector of statistics pakhat theuh an tel thei a ni.