Tuirial Constituency Bialtu MLA Pu Hmingdailova Khiangte, Parliamentary Secretary chuan Sentlang a YMA DAY lawmna hun nimin khan a hmanpui.

Lawmna inkhawmah hian Bialtu MLA chuan a hnathawhna kawngah khawtlang mipuiten an tawiawm that avangin lawmthu a sawi a. YMA te ram leh hnam humhalh kawnga an hmalakna te chhuanawm a tih thu sawiin, hmasawnna chi hrang hrang kan rama lo lut te a dawnsawn dan thiam tur leh hnam ralna nilova ti hmasawntu atana kan hman thiam a pawimawh a ti a. YMA member te Mizo nunze mawi chhawm nung chung zel a hmalam pan zel turin a sawm a ni.

He hun hi Pu Lalngaiha, Sentlang Br. YMA President in a kaihruai a. ‘Khua leh tui tha nitur a inzirtirna” tih thupui hmangin Pu Lalhmingliana, Adviser in zirtirna a pe a ni. YMA Day pual hian ruai theh nghal a ni.