1909/2023-2024

2023 Mimkut thla ni 15: Vawiin khan Sr Superintendent of Police, Kolasib District Pu Lalrinawma Traite chuan Mizoram State sawrkar Notification No. B. 12021/18/94-TRP dt. 25.09.2007 leh Section 115 of Motor Vehicle Act 1988 (Act No. 59 of 1988)-in thuneihna a pek angin, Rengtekawn leh Builum inkar kawng siam ṭhat hna thawh vanga lirthei chet vel dan tur chungchangah a hnuaia mi ang hian thupek a chhuah.

"Rengtekawn leh Builum inkar kawng chu Mizoram PWD, Kolasib Division te'n Dt. 07.09.2023 (Ningani) - Dt. 16.09.2023 (Inrinni) thleng siam ṭhat hna an thawh mek chu an thawh zawh hman dawn loh avangin dt. 17.09.2023 (Pathianni) - dt. 20.09.2023 (Nilaini) thleng he lai kawng hi khar chhunzawm a ni dawn a, kawng khar a nih chhung hian lirthei eng chi mah kal phal a ni lo ang.

"He thupek zawm lo chu 177 MV Act hmanga hrem an ni ang. He thupek hian ṭul bik thila Police, Fire Department, Ambulance leh Magistrate-te chet velna a huam lo ang.

"He thuchhuah chungchanga harsatna tawk emaw, report neite chuan OC Kolasib PS (9862786385)/IC Traffic (9862306914)-ah te biak theih reng an ni."