1779/2023-2024

2023 Mimkut thla ni 6: Vawiin khan Sr Superintendent of Police, Kolasib District Pu Lalrinawma Traite chuan Rengtekawn leh Builum inkar kawng siam ṭhat hna thawh vanga lirthei chet vel dan tur chungchangah heti ang hian "Public Notice" a tichhuak:

"Mizoram State sawrkar Notification No. B. 12021/18/94-TRP dt. 25.09.2007 leh Section 115 of Motor Vehicle Act 1988 (Act No. 59 of 1988)-in thuneihna min pek angin lirthei chet vel dan turah a hnuaia mi ang hian thupek ka chhuah e.

"Rengtekawn leh Builum inkar kawng chu Mizoram PWD, Kolasib Division te'n a siam ṭhat hna dt. 07.09.2023 (Ningani) aṭanga an thawh dawn avangin ṭha zawk leh chak taka hna thawh a nih theih nan dt. 07.09.2023 (Ningani) aṭanga dt. 16.09.2023 (Inrinni) thleng chu he lai kawng hi khar a ni ang a, lirthei eng chi mah kal phal a ni lo ang.

"He thupek zawm lo chu 177 MV Act hmanga hrem an ni ang. He thupek hian ṭul bik thila Police, Fire Department, Ambulance leh Magistrate-te chet velna a huam lo ang.

"He thuchhuah chungchanga harsatna tawk emaw, report neite chuan OC Kolasib PS (Ph. No. 98627 86385)/ IC Traffic Cell (Ph. No. 98623 06914)-ah biak theih reng a ni."