1780/2023-2024

Mamit 6th September, 2023 : Dr. Saithantluangi Zote, DIPRO Mamit chuan vawiin khan a Office Chamber-ah Mamit District Journalist Association-te thingpui inpui pahin inkawmhona a neihpui.

Dr. Saithantluangi chuan Sawrkar ruahman anga, Mamit District, IPRO tura awm thar a nih angin, District MJA-te nena thawhhona tha tak hnuaia hna thawh a in beisei thu a sawi a, Sawrkar thu puanchhuah kawngah leh thutharthehdarh kawngah mipuite tana rintlak leh belhchian dawl kan ni tur a ni a ti. I&PR leh MJA te chu Department khat ang maia in hne hnai kan ni a, thawhhona tha tak nen Mamit District Aspirational District kan nihna kawngah District hmasawnna atan kan theih tawk theuha tan la thar tur leh inlungrualna tha nena ram leh hnam tana thawk tlang zel turin MJA members-te a sawm.

Mamit thutharthehdarhtute atang pawhin thusawi ngaihthlak a ni a. DIPRO leh MJA-te thawhona tura rawtna leh hmachhawp hrang hrangte sawiho a ni. MJA-te tana District Information & Public Relations Office chu  Nodal Department an nih angin, an in nghahna leh belh an nih thu an sawi a, Sawrkar thu puanchhuah kawngah pawh thawhhona tha tak hnuaiah kal tlan a tul thu sawiin, Department  chungah rinna leh beiseina an neih san thu an sawi bawk.

Vawiin inkawmhona hunah hian Pu H. Lalramliana, Publisher, Mamit Times chuan Pathian hnenah lawmthu sawina a nei a. He hunah hian MJA members te an tel tha hle a ni.