Vawiin hian ruah sur avanga Serchhip khaw chhung leh a chhehvela chhiatna thleng hrang hrangte chu District Disaster Management Authority chuan a hmunah tlawh kualin a tul anga hmalak zui nghal ngai hrang hrangte an thawk chhunzawm.

Vawiin hian New Serchhipa Pu F. Lalsangpuia te chenna in JnNURM hmanga sak chu a sir lam a min avangin a ban 3 chuan tan chhan a nei tawh lova, a tul anga hmalak zui zel tum a ni. NH-No 54 hrula awm Sialiam Venga Pu Rohmingthanga in pawh luah zui ngam a nih tawh loh avangin vawiin hian mi tlawmngai ten an thiah sak a. Serchhip Chhimveng huam chhungah lei tawlh nasa tak awmin hei hian chhungkaw 30 vel te chenna hmun ah lei khi a siam a, an zinga chhungkaw 3 chenna in chu luah zui ngam anih loh avangin an bungrua te thiarchhuah sak an ni. Lei khi laia tui hawk lut tur venna atan hian Silpauline pek nghal an ni.

Heng Serchhipa ruahsur vanga chhiatna vawiin lama awm thar leh te hi Pu Nengthianlala, SDC leh Disaster Nodal Officer chuan a hmunah a tlawh kuala, khawtlang hruaitute nen a tul anga hmalak dan tur an rel nghal zel a ni.

Attachment

  • Loading attachment...