926/2025-2026

Dated Serchhip, the 25^th June, 2025: Serchhip District Addl. DC Pu Lalrinzuala chuan Serchhip khawpui chei nana Beautification Project hmalaknate thlawp tura mipuite ngenna leh hriattirna a chhuah.

Beautification Project chu Serchhip khawpui a lo mawi zual zel theih nan a taka hmalak chhoh mek zel a ni a, hei hi a hlawhtlinna kan hmuh ngei theih nan sawrkar hmalakna thlawp tur leh thawhpui turin khawtlang mipuite a sawm a. He project hnuaiah hian park siamte, signage post siamte, zebra crossing siamte, street lamp dahte, kawngdunga thingphun leh a dangte awmin, a hmunhma thlanchhuah te pawh mimal ram ni loin vantlang/sawrkar ram hmang tangkaia ruahman a ni a. Serchhip khawpui timawi turin project hmalaknate zah tur leh theihtawp chhuah tlang turin a sawmin a ngen a ni.

He hmalakna dal zawnga che an awm a nih chuan dan anga action lak a ni ang.