Vawiin chawhma dar 10:00 khan Serchhip District Bawrhsap Dr. Lalrozama,IAS hovin DC Conference Hall-ah Anti Terrorism Day hman a ni.

He hun hi Bawrhsap in kaihruaiin thu a sawi a, World Anti-Terrorism Day hi kumtin May ni 21 a hman thin niin, kuminah chuan Inrinni, pisa chawlhni a nih avangin vawiinah hian hman anih tak thu a sawi a, India ramah hnam hrang hrang leh sakhaw hrang hrang bia kan cheng hova, kan zavai hian tharum thawhna tel lova inngeih leh lungrual taka cheng za tur kan ni a ti a, remna leh muanna, dikna chawi nunga tungding zel tura theihtawp chhuah theuh turin kalkhawmte a chah a, kalkhawmte chuan tharum thawh lo tura intiamna thu an chhiar rual a ni.

Vawiina he hun hmanna ah hian DC Office thawkte mai bakah DC Office chhehvel a Sawrkar Department hrang hranga thawktute an tel tha hle a ni.

National Anti-Terrorism Day hi India Prime Minister hlui Pu Rajiv Gandhi-a May ni 21, 1991 a terrorist kuta thi ta boral champha ah hman thin niin India ram chhung leh pawna Sawrkar pisa zawng zawng bakah Public Sector Undertakings ah te tharum thawh lo tura intiamna leh inzirtirna neih thin a ni.