Vawiin chawhnu dar 2:30 khan Serchhip DC Meeting Room-ah September ni 11 atanga 13, 2013 chhunga Serchhip District-a Bharat Nirman Public Information Campaign neih tur atana Line Department hrang hrangte inbuatsaihna thlir ho a ni a, Pu Lalsangliana, MCS, Additional DC Serchhip leh Pu Mangzangam Touthang IIS, Chairman, Core Committee, PIC, Mizoram ten Meeting hi an ho a ni.

Tarlan tawh angin September ni 11 atanga 13, 2013 chhung hian Serchhip district chhunga khaw hrang hrang pathumah Public Information Campaign hi neih tura ruahman a ni a, a hmunpui ber tur New Serchhip YMA Hall-ah hian ni thum chhung neih tur niin ni September 11, 2013, a tantirh ni hian khuallianah Lt. Col Z.S.Zuala, Parliamentary Secretary chu khuallian a ni dawn a, Khual Zahawmah Pi Juhi Mukherjee, IAS, Deputy Commissioner, Serchhip District hman a ni ang a, a tawp ni September ni 13, 2013 ah hian Education Minister Pu Lalsawta chu khuallian a ni thung ang. Khawlailung leh Keitumah te chu PIC Satellite Venue ah puan niin Kawlawilungah September ni 12 ah Campaign neih a ni ang a, September ni 13 ah Khawlailungah Campaign neih a ni thung ang. Heng hunah te hian NRHM kaltlangin Health Camp neih tel tura ruahman anih bakah Disaster Management Campaign hun atan hman a ni bawk dawn a ni.

PIC neihna tur hmunpui ber New Serchhip-ah chuan nithum chhungin Central Sawrkar Scheme hrang hrang a Line Department te hnathawh tarlanna Exhibition neih a ni ang a, heng hunah te hian mipuiten an hriatthiam loh leh zawhfiah duh an neih te zawhna hun siam a ni ang a, concerned Department official ten zawhnate an chhang thin dawn a ni. PIC neihna hmunah hian Health Camp neih a ni bawk ang. Mipuite tana siam Central Sawrkar Flagship Programme hrang hrang lemchan (Drama) hmanga tarlan a ni dawn bawk a ni.