2643/2022-2023
Dated Serchhip, the 14th November, 2022: Vawiin khan Pi Nazuk Kumar, IAS District Bawrhsap hovin DC Conference hall Serchhipah Children’s Day, 2022 lawmna hun hman ani.

He hunah hian Bawrhsap chuan zirlai naupang kalkhawmte chu Children’s Day chibai a buk a, hlim taka hmang turin duhsakna a hlan a ni. An naupan lai nun chu enghelh nei lova hlim taka hmangin tura chahin sawrkarin naupangte a ngai pawimawh thute, zirna tha an dawn theih ngei nan hmalak a nih dante tarlangin, school kai rual naupang school kai si lo an hriat chuan thuneitute hnena hrilh hre turin a chah a ni.

He hun hi Pi Lalsiampuii, DCPO Serchhip chuan a kaihruai a. Children’s Day chu India Prime Minister hmasa ber Jawahar Lal Nehru a piancham puala kum 1964 atanga lawm thin a nih thu a sawi a ni.
Hawnnna hun hman anih hnu hian Children’s Day pual kawng zawh runpui chu Bawrhsap hian a vailiam a, DC Office tual atangin Serchhip bazar thleng naupangte hian kawng an zawh a ni.