Vawiina Social Media a bikin Whatsapp group thenkhata an thehdarh, "Serchhip a International Paragliding Tournament a tel tura lo kal chinese paraglider hnen atangin Coronavirus an detect tlat mai" tih thu leh "Mizoramah test na a awm loh avangin tunah hian Serchhip Civil Hosp. atanga Falkawn ah rawn thawn an tum mek a ni awm e" tih te "Serchhip district a mi China a sumdawnga kal thin pakhat chu rinhlelh a ni" tih thu thehdarh te chu Serchhip District Information and Public Relations Officer, Pu K. Saitluanga, MIS chuan, thudik a nih leh nih loh hriatchian tumin Serchhip District Hospital hotute leh Paragliding lam buaipuitu Serchhipa awm te (MASA Sub headquarters hruaitute) a zawt chiang a. Social media thenkhata he thu thehdarh hi thu belhchian dawl lo a ni a, a takin Serchhip ah a thleng lo tih finfiah a ni.

District Medical Superintendent, Dr. ZD Lalmuanawma chuan Social Mediaa hetiang an thehdarh pawh a lo hriat loh thu leh media lama thawk ten an hrilh hnua a hriat ve chauh thu a sawi a. District Hospital-in engmah hriat an neih loh thu a sawi a ni. DIPRO hian Serchhip a MASA Sub Headquarters President Pu C. Lalhminghlua, Editor, Laisuih dailynewspaper ni bawk chu a be bawk a, Pu C. Lalhminghlua hian International Paragliding Accuracy Championship, 2020 lo thleng turah foreign atanga pilot tumah Serchhipah an la rawn thlen loh thusawiin, chutiang thil engmah an hriat loh thu a sawi ve bawk a, social media-a tuten emaw an thehdarh avangin phone-a zawt chiangtu an tam lutuk chu a buaithlak lek lek thu a tarlang bawk a ni.

Kan hriat angin novel coronavirus (2019-nCoV) chu China leh khawvel hmun dangah te a leng mek a, mitinin kan ngaihvenin kan fimkhur em em theuh awm e. Hetiang boruak kan tawn mek laia Social Media lama insawithaih na lam emaw e m a w   m i p u i   t i   c h i a i   t h e i   t h u   b e l h c h i a n   d a w l   l o   t e   t h e h d a r h   l o   t u r i n   m i t i n   k a n   i n n g e n   a   n i .