1547/2026-2027

Dated Serchhip, 28^th July 2026: Vawiin khan Serchhip District Deputy Commissioner Pu Paul L. Khuma kaihhruaiin District Level Committee on Dharti Mata Bachao Nigrani Samiti chu DC Meeting Hall-ah an thukhawm. 

Government of India-in June thlaa Dharti Mata Bachao Abhiyan (Save the Mother Earth Campaign) a ruahhman behchhana he meeting hi koh a ni a. DC Pu Paul L. Khuma chuan Agriculture Secretary-in an ngaih pawimawh ber (focal point) chu hmalak tawhnate enzuina (monitoring) a nih thu a sawi. District level, Sub divisional level leh Village level Nigrani Samiti ten fertilizer hman dan dik te, lei leh hralh dan te leh dan loa fertilizer tihralna tur ven dan kawnga an mawhphurhna theuhte sawi ho a ni. 

Pu Lalrinzuala, District Agriculture Officer chuan a lem nena entirin, MPACS kaltlanga district levela loneitute hnena fertilizer pek a nih dan sawiin, hmachhawp hrang hrangte sawizuina hun hman a ni bawk. 

Vawiin meeting-a thutlukna langsar zualte chu:

1. Area wise-a fertilizer hman dan zir chian a, land holding base fertilizer pek thin.

2. ⁠Fertilizer retailer ten Fertlizer hralh dan record MPACS-ah an theh lut thin ang.

3. Dan lo anga leitha hman leh tawlh ruk (smuggling) te do nan DFO leh Police te'n an check gates neihah theuh ngawrh leh zualin hma an la ang.

4. Leitha hman chungchanga loneitute tih tur leh tih loh turte chu hriattirna chhuah a nih bakah, MPACs ten Leaflet angin anmahni rawn dawrtute an lo pe thin ang.

DC chuan scientific zawka leitha enkawl a nih theih nan Soil Testing te hi ngawrh leh zuala kalpui ni se tiin, hmang tangkai ber District ni turin he huna department dang kal khawmte chu a fuih a ni.