Vawiin chawhma dar 11:00 khan Serchhip DC’s Meeting Room-ah Serchhip District chhunga Assembly Constituency pathum (Serchhip, Tuikum leh Hrangturzo) a hman tur Draft Electoral Roll chu Pu VL Remliana, MCS, District Election Officer-in a tlangzarh a, Draft Roll ah hian  hmeichhia 23,278 leh mipa 22,555, an vaiin mi 45,833 an awm a, Sipai Voter (Service Voter) 406 an awm bawk.

Draft Roll tlangzarhna hunah hian Electoral Registration Officer (ERO) te, Assistant Electoral Registration Officer (AERO) te, Political Party aiawhte, NGO aiawhte leh chanchinbumi te an tel tha hle a, District Election Officer Pu VL Remliana chuan Electoral Roll  dik leh felfai neih anih theih nan leh tluang taka Electoral Roll Revision kalpui anih theih nan kalkhawm zawng zawngte tanpuina a ngen a, hunk al tawha an thawhpuina leh tawiawmna zawng zawngah lawmthu a sawi bawk a ni.

Pu Lalhmansanga, MCS, Election Officer chuan Electoral Roll Revision chungchanga hriattur pawimawhte kalkhawmte hnenah a sawi a, zawhna leh chhanna hun hman anih bakah hriatchianloh  leh harsatna awm thei te chu District Election Office ah zawhfiah leh thlen theih reng anih thu a sawi bawk.

Serchhip District chhunga uar zawka Systematic Voters Education and Electoral Participation (SVEEP) kalpui tum a ni a, SVEEP Campaign neihna tur atan Serchhip Sub-Headquarters YMA, MHIP leh MUP te chu Rs. 5,000/- theuh hlan an ni bawk.

Draft Electoral Roll thara Serchhip District dinhmun chu hetiang hi a ni :

(26) SERCHHIP CONSTITUENCY- ah Polling Station 23 awmin General Electors 16,386 (mipa-7903, hmeichhia-8483) leh Service Electors 159 (mipa-127, hmeichhia-32) , an vaiin Voters 16,545 an awm.

(27) TUIKUM CONSTITUENCY- ah Polling Station 29 awmin General Electors 14,615 (mipa-7270, hmeichhia-7345) leh Service Electors 126 (mipa-105, hmeichhia-21), an vaiin Voters 14,741 an awm.

(28) HRANGTURZO CONSTITUENCY- ah Polling Station 25 awmin General Electors 14,832 (mipa-7382, hmeichhia-7450) leh Service Electors  121 (mipa-101, hmeichhia-20) , an vaiin Voters 14,953 an awm. 

A zavaia khaikhawmin Serchhip District chhunga Assembly Constituency pathumah Polling Station 77 a awm a, General Electors 45,833(mipa-22,555, hmeichhia-23,278) leh Service Electors 406 (mipa-333, hmeichhia-73), an vaiin Voters 46,239 an awm a ni.

Vawiina Draft Roll tarchhuah te hi Polling Station tinah Booth Level Officer (BLO) te kaihhruaiin Gram Sabha (Village Level Committee) in September ni 16 leh 30 ah an thlir ho ang a, October ni 14, 2015 thleng siamthat ngai laisiamtha tura dilna thehluh theih a ni ang. November ni 16, 2015 ah siamthat ngai lai leh chinfel ngai zawng zawngte zawh fel vek tur a ni a, January ni 15, 2016 ah Electoral Roll thar tarchhuah tur a ni ang.

Draft Electoral Roll en duh chuan mahni bialtu ERO/AERO/BLO emaw, DC/DEO Office-ah en theih a ni.