Vawiin chawhma dar 10:00 khan Serchhip Bawrhsap Office-ah Serchhip District chhunga Assembly Constituency pathum (Serchhip, Tuikum leh Hrangturzo) a hman tur Draft Electoral Roll siam thar chu tlangzarh a ni a, He hunah hian Recognised Political Party aiawh te, Chanchinbu mi te, Tlawmngai Pawl sawm bik leh Official pawimawhte an kal khawm a ni.

Draft Electoral Roll a a lan danin kumin January ni 15 a Electoral Roll tlangzarh hnu ah voters 6 thunbelh an ni a, Polling Station 10 siam belh (Serchhip-6, Tuikum-4) a ni bawk.

Hetiang hi Draft Electoral Roll thar atanga dinhmun thar ber a ni :

(26) SERCHHIP CONSTITUENCY- ah Polling Station 23 awmin General Electors 15,501 (mipa-7510, hmeichhia-7991) leh Service Electors 128, an vaiin Voters 15,629 an awm.

(27) TUIKUM CONSTITUENCY ah Polling Station 29 awmin General Electors 14,397 (mipa-7170, hmeichhia-7227) leh Service Electors 98, an vaiin Voters 14,495 an awm.

(28) HRANGTURZO CONSTITUENCY ah Polling Station 25 awmin General Electors 14,761 (mipa-7356, hmeichhia-7405) leh Service Electors 96 , an vaiin Voters 14,857 an awm.

A zavaia khaikhawmin Serchhip District chhunga Assembly Constituency pathumah Polling Station 77 a awm a, General Electors 44,659 (mipa-22,036, hmeichhia-22,623) leh Service Electors 322, an vaiin Voters 44,981 an awm a ni.

Heng Assembly Constituency pathuma Voters zawng zawngte hian EPIC (Electoral Photo Identity Card) an nei vek tawh a, EPIC siamtha duh tan Rs. 25/- chawiin a siamthat reng theih bawk.

Electoral Roll thar hi recognized National/State Political Party te leh Serchhip Sub-Headquarters YMA hnenah a thlawnin sem an ni a; mi mala nei duh chuan Soft copy Rs. 100, leh hard copy phek khat Rs. 5 zelin lei theih tura ruahman a ni. Heng hi District Election Office-ah ngaihven theih a ni ang.

Attachment

  • Loading attachment...