Mizorama Medical College din anih theihna tura sorkarin hma a lakna te vawiin khan Chief Minister Pu Lal Thanhawla hoin a office ah Working Group Committee an thukhawm.

Working Group Committee hi sorkarin medical college dinna tura hmalatu atana alo din tawh a ni a, Chairman ah Pu S.Laldingliana, Parliamentary Secretary chu a ruat bawk a ni. He committee hian sorkar hmalaknate bawhzuiin, central sorkarah Detail Project Report te a alo thehlut tawh a. Hetih lai hian central sorkar chuan scheme thar rawn duangin India ram pumah medical college 55 dina, college pakhat zel tan infastructure development leh equipment atan Rs.200 Crore zel a ruahman a. A enkawlzuina tur leh inrelbawlna (maintenance costs leh running costs) tur erawhchu state sorkar tum tura a tih avangin meetingah hian sawiho a ni a. Hei hi keini Mizoram state pachhia tan chuan kan tlin dawnlo ani tih an sawiho a. Chuvangin Chief Minister Pu Lal Thanhawla duhdanin central sorkarin Rs.200 Crore a ruahman chu pawm phawt nise an ti a, Mizoram medical college bik chu central sorkar tum vek (central government fully funded) turin working group hian Chief Minister bawhzui atan ruahmanna siam se tiin thutlukna an siam a ni.

Meeting-ah hian Pu S.Laldingliana, Parliamentary Secretary leh Health Services hotute an tel a ni.