Transport Minister Pu PC Zoram Sangliana chuan, ‘Mipui chan ai chhuhsak hi Pathian huat ber a ni a. Sawrkar dinglai hian inthlan dawna kan thutiam kan hlen zel a ni,’ a ti.

He thu hi Inrinni kalta June 29 khan Kolasib Electric Veng Community Hall / Centre lungphum phumin a sawi a. Kan thutiam ang ngeia Hall sakna tur bulk an tan thei dawn ta hi a lawmawm hle a ni, a ti. Kolasib hgian kum 5 liam taah khan hmasawnna tamtak an nei a. Kanla tih hlawhtlin loh chu CZS School provincialise a ni a. Hei hi chu sawrkarin khawi skul mah ala tihloh a niin skul pahnih emaw chu la tih turah sawrkarin a ruahman a ni a. Hun tha ala inher chhuah ngei chu ka ring a ni, a ti. Tun hnaiah pawl pakhatin a phu loh In sa anga puhna awm chu lunglohva a lak loh thu leh enfiah ngei tura a duh zawk thu a sawi a. Thudik chu an hmu mai dawn a ni, a ti a ni.

Sawrkarin a thutiam thalaite tana khawvel thar din chu a takin Zoram khawvelin hmel thar kan hmuh phah ta a. Kan CM leh Sports Minister tanlaknain Mizo infiammite India leh ram pawn thlengin kan inpho chhuak ta a. Tunah pawh hian hmabak tamtak kan la nei a. Taekwando ah pawh hmasawnna thar kan nei leh mek a ni, Pu Ramsanga chuan a ti a. Mipui rawng bawl tura inpe tehi kan thutiamah kan ding em tih hi chhut thin ang che u, a ti a ni.

Pu K. Lalthawmmawia, Director UD&PA chuan thu sawiin bialtu MLA hmalakna in an Deptt. hian Kolasib-ah Hall an sa dawn ta a ni, a ti a. Hall chu cheng nuai 28.11 senga sain a dung 80 ft, a vang 36 ft leh liang 24 ft a ni dawn tih a sawi a. UD& PA Deptt. hian Kolasib-ah hian IHSDP hnuaiah vek cheng nuai 700 zet sengin rethei In 300 sakna a kalpui mek a ni, a ti.

Hemi ni vek hian Pu Ramsanga chuan MLA Cup Inter VC Volleyball Tournament (men & women) a khar nghal a. Tournament hi 25th June khan tan a ni a. Mipa team 13 leh hmeichhe team 6 an chhuak a. Kolasib khaw pawn atangin Buhchang, Vairengte, Kawnpui leh Thingdawl te an tel a . Mipaa champion Tumpui VC chuan Trophy leh Rs 10,000/- an dawng a. 2-na Saidan tuitha vengin trophy leh Rs 5000/-. Hmeichhe Volley Ball-ah I-na Diakkawn VC ten Trophy leh Rs 8000/- dawngin runner up Hmar Veng VC in Trophy leh Rs 4000/ an dawng a. Lawmman tehi khuallian Transport Minister-in a sem a ni.