Kumin May ni 11-a Laipuitlang leiminah khan nunna, in leh lo tamtak channa leh tawrhna rapthlak tak a thleng a. Mi tam tak chu Laipuiltang tuizem leh a sem chhuahna pipe-a tui putru tam avangin vawiin thlengin thinthi-a mutna hun awm lo a. Heng harsatna sukiang tur hian Sawrkar-in ruahmanna chak takin a kalpui zel a. North Eastern Region Urban Development Program (NERUDP) ADB sum hmanga hna thawh kal mek atangin he tuizem leh pipe-a tui put te hi siamthat a nih theih nan Mizoram Sawrkarin Urban Development & Poverty Alleviation Department kaltlangin he programmme a Committee thuneitu sang ber,  National Steering Committee (NSC) meeting ni 24^th June 2013 a New Delhi-a neihah dilnaa   siam a. NSC Committee Member, Pu R.L. Rinawma, IRS, Principal Secretary, UD&PA Department-in Laipuitlang chhiat tawhna leh tuizem leh pipe siamthat dan tur proposal hi power point hmangin presentation a pe a, Committee Members te rilru a khawih hle. Committee chuan tuizem leh pipe-a tui put te chu project-2 hna kal lai mek atangin a rang thei ang bera siamtha turin leh a siam thatna atan sum ruahman chhin Rs. 1.6 crore chu rem tih a ni.

UD&PA Minister Pu Zodintluanga chuan, Laipuitlang tuizem leh pipe a tui put ru siamthat a nih theih nana chak tak maia officer ten hma an la chu Mizoram tan hna tha tak an thawk ani tiin tuizem leh pipe siamthat a ni tur hi a lawmawm hle a ni, a ti.

National Steering Committee (NSC) meeting-a tel Er. Valbuanga, Project Director, SIPMIU chu a rang thei ang bera Project Scope Variation Statement leh Estimate, MoUD leh ADB formal approval atana submit turin hriattir nghal a ni. Pipe line-te siamthatna atan Mizoram Sawrkar chuan contract hna pawh a lo pe fel tawh a. A hma thei ang bera hma la turin Project-a mawh phurtu, SIPMIU, UD & PA Department chu a inbuatsaih mek a ni.