988/2026-2027 

Dated Serchhip, the 12^th June 2026:  Vawiin khan Serchhip District Election Officer Pu Paul L. Khuma chuan DC Meeting Hall-ah E. Lungdar Village Council Draft Roll a tlangzarh.

DC chuan Political Party hrang hrangte leh chanchinbu mite chu Roll dik tak kan neih theih nana theihtawp chhuaha thawh ho puiah a sawm a. A thalo lai ringawt inthlir sak lova hma la tlang turin a sawm a. VC Roll leh EPIC hi thil hrang hlak a ni a, ngaihpawlh loh tur a nih thu a sawi bawk.

Pi Lalchhanhimi, Election Officer chuan thusawiin Draft Roll atan hian 2025 General Election-a E. Lungdar final roll kha hman tur a ni a. Voters 2321 awmin, hmeichhia 1203, mipa 1118 an awm a ni. January ni 1, 2026 a kum 18 tling tan VC Roll-ah a inziah luh theih dawn a. Sawisel leh siam that ngaite tan ni 12.6.2026 atanga ni 24.6.2026 chhung hun hawn a ni anga. Saim that ngaite siam that nan ni 25.6.2026 atanga 27.6.2026 chhung a ni ang. Electoral Roll buatsaih nan hian ni 29.6.2026 atanga 6.7.2026 chhung hman a ni anga, July ni 7, 2026 ah Final Roll hi tarchhuah a ni ang.

Electoral Registration Officer (ERO) leh Asst. Electoral Registration Officer (AERO) atan Dr. Marilyn Lalruatkimi, MCS, SDO (C), North Vanlaiphai leh BDO, East Lungdar ruat a ni a, Village Level Officer (VLO) atan Pu H Laltanpuia ruat a nih thu a sawi bawk.

East Lungdar Village Council ah hian member pasarih (7) ni turah Paruk (6) an awm mek a ni.