Vawiin hian Legal Metrology Department Serchhip chuan eirawngbawlna gas bur an endik. 

Heng eirawngbawlna gas bur 306 te hi Mualkhang Bottling Plant atanga lak niin Mizofed Serchhipa dah tur a ni a, a buk tling an ni vek em tih chu Pu Lalsangzuala, Inspector, Legal Metrology leh a staff ten uluk takin an endik a. Buk tlinglo leh khawih chingpen hmuh a ni lova, Mizofed Serchhip ah hian mipuite hnena semchhuah turin hlanthlak tir an ni. 

Pu Lalsangzuala, Inspector chuan tunlaiin Mizoram hmun  hrang hrangah eirawngbawlna gas bur tihchingpen thawm hriat tur a fova, Mizofed Serchhipa dah tur gas burte pawh uluk taka an endik thin thu leh a tul phei chuan mipuite hnena semchhuahna hmunah te kal chilha an buk sak thin thu sawiin, hun rei tak chhung chu Serchhipa sem tur gas bur an endiknaah hian a diklo man tur a awm tawh lo a ni a ti. 

Vawiina gas bur endiknaah hian thuthar thehdarhtu ten a hmunah kalin an tawiawm ani.