1871/2026-2027

Dated Serchhip, the 20^th August 2026: Vawiin khan Electoral Roll Observer Pi Lalzarmawii, Commissioner & Secretary, Social Welfare, Women and Child Development Department chuan Serchhip a tlawh a, DC Bangla-ah thutkhawm neih niin Serchhip District-a SIR 2026 dinhmun leh Hearing kalpui dante thlirletna neih a ni a. District Election Officer Pu Paul L. Khuma leh Election Officer Pi Lalchhanhimi te bakah ERO leh AERO te meeting-ah hian an tel a ni.

Observer chuan Serchhip District-a SIR Hearing neihnaah ERO/AERO te inpekna leh thawhrimnate a hriatpui thu sawiin lawmawm a tih thu a sawi a. DC leh Election kaihhnawiha a thawhpuite zawng zawngte bakah BLO leh thawktu dang zawng zawngte chungah lawmthu a sawi a. Thawh hona tha tak nena hma la chhunzawm zel turin a chah a ni.

Meetingah hian Constituency pathum – 26 Serchhip AC; 27 Tuikum AC leh 28 Hrangturzo AC-a ERO leh AERO theuh ten tun dinhmuna Hearing an neih dan report an pe a; 26 Serchhip AC – ah hearing neih ngai zat mi 2,318 awmin, 27 Tuikum AC-ah mi 2,266 leh 28 Hrangturzo AC-ah mi 2,470 an awm a; Form 6 hmanga inziak luh thar dil mi 1238-ah mi 1207 te dilna pawm a ni a (dilna pawm loh tam berte hi raltlan leh foreigner te an ni), Form 7 hmanga mitthi tawh emaw, hming paih ngai emaw dilna theh luh zat hi 39 niin 37 pawm a ni a, Form 8 hmanga awm hmun sawn/address siam that ngai dilna 589-ah dilna 561 pawm a ni bawk. Heng bakah hian Corresponding deletion tih ngai mi 362 an awm bawk a, Claims & Objection hun hawn hnu leh SIR hearing neih hnua hming inziaklut zat, a pumpuia a pun belhna zat hi tun dinhmunah 1413 niin, hei hi tlema la danglam leh thei a nih thu tarlan a ni. 

Final Roll hi September 7, 2026-ah puanzar a ni dawn a ni.