Nimin chawhma dar 11:00 khan Serchhip Bawrhsap Office-ah Serchhip District chhunga Assembly Constituency pathum (Serchhip, Tuikum leh Hrangturzo) a hman tur Electoral Roll siam thar chu tlangzarh a ni a, He hunah hian Recognised Political Party aiawh te, Chanchinbu mi te, Tlawmngai Pawl sawm bik leh Official pawimawhte an kal khawm a ni.
Serchhip District chhunga Assembly Constituency pathuma Electoral Roll dinhmun thar ber chu a tlangpuiin hetiang hi a ni :
SERCHHIP CONSTITUENCY- ah Polling Station 17 awmin General Electors 15,525 (mipa-7529, hmeichhia-7996) leh Service Electors 121 (mipa-106, hmeichhia-15), an vaiin Voters 15,646 an awm.
Serchhip Constituency ah hian Voters 1301 (Mipa-616, Hmeichhia-685) in an pung a, an zinga 600 (Mipa-287, Hmeichhia-313) hi kum 18-19 chin an ni a, a dang 701 (Mipa-329, Hmeichhia-372) hi kum 19 chung lam an ni a, Electoral Roll hmasa atanga hming paih sak mi 360 (Mipa-184, Hmeichhia-176) an awm a ni.
Electoral Roll hmasa atanga Roll thara Voters te punna zat hi 6.45 % a ni.
TUIKUM CONSTITUENCY ah Polling Station 25 awmin General Electors 14,416 (mipa-7175, hmeichhia-7241) leh Service Electors 95 (mipa-87, hmeichhia-8), an vaiin Voters 14,511 an awm.
Tuikum Constituency ah hian Voters 645 (Mipa-306, Hmeichhia-339) in an pung a, an zinga 443 (Mipa-220, Hmeichhia-223) hi kum 18-19 chin an ni a, a dang 202 (Mipa-86, Hmeichhia-116) hi kum 19 chung lam an ni a, Electoral Roll hmasa atanga hming paih sak mi 267 (Mipa-124, Hmeichhia-143) an awm a ni.
Electoral Roll hmasa atanga Roll thara Voters te punna zat hi 2.69 % a ni.
HRANGTURZO CONSTITUENCY ah Polling Station 25 awmin General Electors 14,780 (mipa-7369, hmeichhia-7411) leh Service Electors 90 (mipa-81, hmeichhia-9), an vaiin Voters 14,870 an awm.
Hrangturzo Constituency ah hian Voters 678 (Mipa-358, Hmeichhia-320) in an pung a, an zinga 442 (Mipa-254, Hmeichhia-188) hi kum 18-19 chin an ni a, a dang 236 (Mipa-104, Hmeichhia-132) hi kum 19 chung lam an ni a, Electoral Roll hmasa atanga hming paih sak mi 300 (Mipa-147, Hmeichhia-153) an awm a ni.
Electoral Roll hmasa atanga Roll thara Voters te punna zat hi 2.62 % a ni.
A zavaia khaikhawmin Serchhip District chhunga Assembly Constituency pathumah Polling Station 67 a awm a, General Electors 44,721 (mipa-22,073, hmeichhia-22,648) leh Service Electors 306 (mipa-274, hmeichhia-32), an vaiin Voters 45,027 an awm a, Voters hi 2624 (Mipa-1280, Hmeichhia-1344) in an pung a, an zinga 1485 (Mipa-761, Hmeichhia-724) hi kum 18-19 chin an ni a, a dang 1139 (Mipa-519, Hmeichhia-620) hi kum 19 chung lam an ni a, Electoral Roll hmasa atanga hming paih sak zawng zawng hi mi 927 (Mipa-455, Hmeichhia-472) an awm a ni. Electoral Roll hmasa atanga Roll thara Voters zawng zawngte punna zat hi 3.94 % a ni.
YMA hotute zawhna chhangin Pi K.Vanlalruati, MCS, Election Officer chuan Assembly Constituency dang te aia Serchhip Assembly Constituency a voter te za zela an punna a tam bik chhan chu Thenzawla Police Training Centre sawn thar anih vang leh, Thorang Assembly Constituency chhunga S.Dampa khua Sawrkarin a thiah tak avanga Thenzawl khawchhunga rawn pem lut an tam vang anih thu a sawi.
Heng Assembly Constituency pathuma Voters zawng zawngte hian EPIC (Electoral Photo Identity Card) an nei vek tawh a, Electoral Roll a thun thar te erawh chu tun thla tawp a National Voter’s Day hman anih hunah an EPIC hi hlan an ni ang. EPIC a thlalak lang lo a awm nual a, heng card neitute hian a rang lama Election Branch (DC Office) hriattirturinngen an ni a, EPIC siamtha duh tan Rs. 25/- chawiin a siamthat reng theih bawk.
Electoral Roll thar hi recognized National/State Political Party te leh Serchhip Sub-Headquarters YMA hnenah a thlawnin sem an ni a; mi mala nei duh chuan Soft copy Rs. 100, leh hard copy phek khat Rs. 5 zelin lei theih tura ruahman a ni. Heng hi District Election Office-ah ngaihven theih a ni ang.
