Sorkar laipui a Agriculture Ministry in a buh leh bal thar tam lawmman a siam ‘Krishi Karman Award’ 2011-12 chu January ni 15, 2013 khan President, Pu Pranab Mukherjee an Rashtrapati Bhawan ah State hrang hrang hnenah a sem.

Pu H. Liansailova, Agriculture Minister in he award hi Mizoram loneitute hmingin a dawng a, Pu Lalramthanga, Principal Secretary Agriculture, Pu Dharmendra, Resident Commissioner leh Dr. C. Lalzarliana, Director Agriculture (Crop Husbandary) ten New Delhi ah an tawiawm a ni.

Nagaland leh Manipur bakah Mizoram, Tripura leh Assam te pawhin he lawmman hi an dawng.