Vawiin chawhnu dar 1:00 khanSerchhipDC’s Conference Hall-ah “Faina Hapta, 2013” kharna inkhawm leh hemi hun chhunga fai inelna chi hrang hrang a tithate hnena lawmman semna hun hman a ni a. He hun hi Pu Lalsangliana, MCS, Addl.D.C., Serchhip chuan khuallian niin a hmanpui a ni.

Khuallian chuan Faina hi hriselna leh changkanna anih thu sawiin Pathian pawhin a ngaipawimawh a, hei vang hian a hnungzuitu keini ringtute pawh hian kan ngai pawimawh tur a ni, a ti a. Fai chu mahni taksa hriselna mai bakah min vawngtu, thuneihna leh mahni inrintawkna min petu a ni a ti a, Serchhip chu khawfai leh thianghlim, Mizorama District Headquarters fai ber nihna dinhmuna din tir thei tur leh midangte entawn tlaka vawng thianghlim turin mipuite a sawm a ni.

Pu Lalhruaia EE, PHE, Serchhip kaihhruai he hunah hian kumin a Faina Hapta hman chhunga inelna chi hrang hrang siama lawmman dawng tura thlanchhuah te hnenah lawmman sem nghal a ni a. Lawmman dawngtute chu :

Zirlai 3 hnenah Consolation prize Rs. 150 theuh pek an ni bawk.

Vawiina Faina Hapta kharna hunah hian ‘FAI HI MITININ KAN TLIN A NI’ tih thupui hmangin MUP Sub Hqrs. Serchhip (Movers) leh MHIP Sub Hqrs. Serchhip (Opposers) ten inhnial fiamna (Debate) an nei a, hei bakah hian SJSRY Handicraft Training chhuak BPL member mi panga hnenah Training Completion Certificate hlan an ni a, an ni hian an Training chhawr tangkaiin an hlawhtling ani tih entir nan leh lawmthu sawi nan anmahni kutchhuak ngei Herhsawp an siam chu Serchhip District Bawrhsap Pi Juhi Mukherjee, IAS leh Additional D.C Pu Lalsangliana, MCS te an hlan let ve a ni.

Vawiin Faina Hapta, 2013 kharna inkhawm hi Pu Lalhruaia, EE, PHE Serchhip in a kaihruai a, Pu ST Lalhmingmawia, Sanitation Officer in Faina Hapta, 2013 hman chungchang report a pe a, special item benglut tak tak ngaihthlak leh thlirho a nih hnu ah Pu C. Lalthanzira, DPC, SSA Mission, Serchhip in lawmthu sawiin hnu a khar a ni.