District Level Committee on Green Mizoram, Serchhip hmalakna in vawiin chawhma dar 11:00 khan Serchhip Bazar ah Green Mizoram Day 2014 pual a inkhawm a ni a, Hrangturzo bialtu MLA Pi Vanlalawmpuii Chawngthu chuan khuallian niin a hmanpui.

Green Mizoram Day 2014 puala inkhawm ah hian khuallian Pi Vanlalawmpuii Chawngthu chuan thusawiin mipui kalkhawmte chu chibai leh duhsakna a hlan a, ram in hma a sawn bakah mihring kan pung zel a, ram in kalsiam a rel ruala kan ramngaw te humhalh dan kan thiam tel loh avangin ramngaw kan tichhe nasa em em a, kan loneih dan kalphung kan la thlak theih loh bawk avangin Mizoram hi rambua ah kan chan tir mek a, a manganthlak tawh hle ani a ti a, thing leh mau kan suasam nasa lutuk hian kan sik leh sa bakah kan eizawnna thlengin a chhe zawngin min nghawng chho tan a kan harhchhuah vat a ngai a ni tiin mipui kalkhawmte chu ramngaw humhalh pawimawhzia hre thara tan la turin a chah a, kan ramngaw leh boruak tluchhe mek siamthat a humhalh hi Sawrkar leh mipuite mawhphurhna anih zia India Constitution-a Directive Principles of State Policy ah leh Fundamental Duties-a nambar 8 na ah a chuang hial a ni tiin Green Mizoram Programme kan hman hian mipuite rilru ah Environment siamthat duhna tuh nghet tlat se a duh thu a sawi bawk a ni. 

Serchhip District ah hian kum 1999 atang khan Green Mizoram Day hi hman tan a ni a, District Bawrhsap Chairman na hnuaiah District Level Committee on Green Mizoram, Serchhip din niin Divisional Forest Officer, Thenzawl chu Member- Secretary a ni. Vawiin inkhawmah hian Serchhip District-a Kangmei ven kawnga hmala tha zual thlanchhuah khaw pathum hnenah te, Chanchinbu a Kangmei ven leh ramngaw humhalh lam hawizawng thuchhuah tha ber hnenah te leh Green Mizoram Day 2013 denchhena thingphun Agency hrang hrang –Sawrkar Department, School, Colleges leh NGO zinga thingphun nung tha leh humhalh tha berte hnenah Khuallianin lawmman a sem a;  lawmman dawng tu te chu :

Kangmei Veng leh Ramngaw humhalh tha ber Khua :

Dinhmun

Khaw Hming

Lawmman    

Pakhatna

Keitum

Rs. 50,000 + Citation              

Pahnihna

Hmunzawl

Rs. 30,000 + Citation              

Pathumna

Khawbel

Rs. 20,000 + Citation

Kangmei Veng leh Ramngaw humhalh Chungchang Chhuah Tha Ber Chanchinbu :

Dinhmun

Chanchinbu Hming

Lawmman

Pakhatna

Serchhip Times

Rs. 4,000 /-

Pahnihna

Zothlifim

Rs. 2000/-

Pathumna

Lamkal

Rs. 1000/-

Best Planting Agency :

Dinhmun

Agency

Lawmman    

Pakhatna

14AssamRifles

Rs. 2,000 /-

Pahnihna

Police Department

Rs. 1,500/-

Pathumna

DC/DRDA

Rs. 1,000/-

“Green Mizoram Day 2014” puala inkhawm hi Pu C.Lalbiaka, DFO, Thenzawl in a kaihruai a, YMA Sub-Headquarters President Pu R.L.Chhuanawma’n thu tawi sawina hun a hmang a, kumin kumtir lama Keite in a vawkvulh lai a seh hlum sak Pu Vanlalsanga, Serchhip Darnam Veng hnenah zangnadawmna Rs. 5000/- hlan ani bawk. He inkhawmah hian JM High School zirlaite leh zirtirtute bakah tlawmngai pawl hrang hrang te, sawrkar hnathawk te an tel tha hle a ni.

Kum 2014 Green Mizoram Day thupui atan hian “Thing phun uar la, venghim rawh” tih chu hman a ni a, hemi denchhen hian chawhnu lamah kumin a Serchhip dai ram kan vakna hmun Sailiamkawn leh District Park, Dawngzawl inkarah Khuallian Pi Vanlalawmpuii Chawngthu hovin Sawrkar Department hrang hrang a thawk te, Sub-Headquarters YMA Serchhip leh School naupang ten thingphun hnatlang hi an nei a, Khuallian hian District Park, Dawngzawlah Green Mizoram Day 2014 hmingin “Australian Pine” a phun a ni. Thingphun hnatlang a thawkchhuak te hi Group hrang hrang 10 ah thendarh niin an thingphunna hmun tur uluk taka ruahman fel sak vek an ni a; heng thingphun tur thing tiak leh a hungna tur pal te hi Divisional Forest Officer, Thenzawl leh a thawhpui ten a thlawnin an sem a ni.

Attachment

  • Loading attachment...