Pu Laltanpuia leh Pu Saitluanga Sailo te buatsaih Duet Painting Exhibition 2014 chu vawiin khan I&PR Director Pu Jim K. Chozah leh Pi Lalnithangi Joint Director ten an tlawh a. Pu Jim K. Chozah chuan, lemziak mite hmasawnna tur leh Mizote Fine Arts lama hma kan sawn zelna tura I&PR Department-in hma a lakna chu theihtawp chhuaha kalpui zel a nih tur thu sawiin, Artist ten hmasawn tura theihtawp an chhuahnaah lawmawm a tih thu a sawi bawk. Lemziak mite ram tana an hlutna Sawrkar pawhin a hriat thu leh an kal zelna tur atana Programme chi hrang hrang an buatsaih zel tur thute, hmasawnna chak zawka a kal theih nan phailama mithiamte sawma Mizo artist te nena Art Workshop lian tham tak buatsaih a that thute, I &PR leh artist te lungrual taka an thawhho zel a beisei thu te a sawi bawk.

Duet Painting Exhibition buatsaihtute zinga mi Pu Saitluanga pawhin 'I&PR Deptt.-in lemziak mite hmasawnna tura kawng hrang hranga hma a laknate chu lawmawm an tih thute, an Department hmalakna avanga artist ten lungrual taka hmalam pan tura ke an pen tlang thei chu lawmawm a tih thu Department hotute hi a lo hrilh bawk a ni.

Duet Painting Exhibition 2014 hi ni 12 June, Ningani zan dar 7:00 thleng tlawh theih a ni.