Tukin zing dar 4:30 vel khan Serchhip Tuikhuah venga Pu S.Lalbiakthanga In chu bungrua chuh hman loh in a kang ral vek.
He In Assam type, chhawng khat hi tukin May ni 8, dar 4:30 vel khan kangin, nunna chan erawh an awm lo. Kangmei a chhuak tih hria a In neitute an mut pindan atanga an chhuah dawn pawhin choka leh sitting room-ah mei a lo khat vek tawh a,bang chhak lam Tile tichhiain an tlan chhuak thei hram a ni. He In kangah hian tangka fai Rs sing 1 vel bakah TV, Ui pui pakhat, Washing machine, computer, Refrigerator, LPG stove leh cylinder 3, two wheeler siam mek engine 5 leh tanky 4 bakah an mutbu leh thawmhnaw zawng zawng a kang ral vek a, TV pakhat erawh an chhuahpui thei hram a ni. In kang chhe hlut zawng hi Rs nuai 5 sing 5 vel a nih rin a ni a,In neitu hian an bathlar hi two wheeler workshop a hmang nghal a, in a kqng tih hre hmasa apiang an tlankhawm nghalin, two wheeler siam lai te chu a theih ang anga senghawi nghal a ni a, two wheeler khawlte erawh chu senghawi hman a ni ta lo a ni. Inbiakpawhna lamah harsatna a awm avangin Fire Service te chu a hmunah an thleng mai thei lova, biakpawh an niha a hmun an thlen chuan thelh mih hman a ni ta lo a ni.
He in kanna hmun hi DC Pu H.Darzika pawhin a hriat ve leh a pan nghal a. In kang neitu Pu S.Lalbiakthanga chu Rs 35000 leh buhfai bag khat pein, an inhnuai luahtu hmeithai Nl Vanlalengi In neitu ni ( a pa nau) chu Rs sing 1 leh buhfai bag 1, a pe a. Hemi bakah hian In kang hmar lam thenawma awm, Pi Thuamliani, in kang thelh tura a tui khai tlusual palha a ban ruh sawp/tliak Aizawl panpui ngai hnenah Rs 7500 bakah,motor-a hman tur Oil leina Rs sang 1700 a pe a, thil kangchhia senghawi hnatlang thingpui lumna Rs 3000/- a pe bawk. In kanga cheng chhungkaw pahnihte tan hian Mizofed Serchhip atangin Gas connection thar Mizofed Manager in a siamsak nghal bawk a ni.
Vawiin khan he in kang senghawi hnatlang hi Serchhip-III VC huaihawta neih nghal a ni a, In erawh chu hun dangah sak that leh tura ruahman a ni. He in kan lai hian Pu S.Labiakthanga nupui leh a fate pahnih an awm a, In hi a hmar lamah Concrete building Pi Vanlalfaki in awmin, Pi Faki in hi tukverh frame a kang chhe vek a, a chhim lam erawh chu RCC a sak that mek Lalrimawia te in niin, a structure an peihfel tawh a. Hetianga concrete karcheha awm, NH-54 kawng kam a nih bawk avang hian In dang a kangkai lo hram a ni.
He in kanna hmun hi DC Pu H.Darzika pawhin a hriat ve leh a pan nghal a. In kang neitu Pu S.Lalbiakthanga chu Rs 35000 leh buhfai bag khat pein, an inhnuai luahtu hmeithai Nl Vanlalengi In neitu ni ( a pa nau) chu Rs sing 1 leh buhfai bag 1, a pe a. Hemi bakah hian In kang hmar lam thenawma awm, Pi Thuamliani, in kang thelh tura a tui khai tlusual palha a ban ruh sawp/tliak Aizawl panpui ngai hnenah Rs 7500 bakah,motor-a hman tur Oil leina Rs sang 1700 a pe a, thil kangchhia senghawi hnatlang thingpui lumna Rs 3000/- a pe bawk. In kanga cheng chhungkaw pahnihte tan hian Mizofed Serchhip atangin Gas connection thar Mizofed Manager in a siamsak nghal bawk a ni.
Vawiin khan he in kang senghawi hnatlang hi Serchhip-III VC huaihawta neih nghal a ni a, In erawh chu hun dangah sak that leh tura ruahman a ni. He in kan lai hian Pu S.Labiakthanga nupui leh a fate pahnih an awm a, In hi a hmar lamah Concrete building Pi Vanlalfaki in awmin, Pi Faki in hi tukverh frame a kang chhe vek a, a chhim lam erawh chu RCC a sak that mek Lalrimawia te in niin, a structure an peihfel tawh a. Hetianga concrete karcheha awm, NH-54 kawng kam a nih bawk avang hian In dang a kangkai lo hram a ni.
