Serchhip District Bawrhsap leh District Election Officer ni bawk Pi Juhi Mukherjee, IAS ruahman angin vawiin chawhma dar 11:30 khan DC Video Conferencing Room-ah Mizoram Inthlanpui lo awm tur chungchanga Election Commission of India in ruahmanna leh dan thar chi hrang hrang a siam chungchanga mipuite tana hriattur pawimawh te inzirtirna atan sawihona “Talk Show” buatsaih a ni.

Vawiin Talk Show hi Pu Kapliana Pachuau, President, MJA Serchhip in a kaihruai a, mithiam thlan bik ten chanvo insem in Model Code of Conduct (MCC), Expenditure Monitoring, Media Certification and Monitoring Committee (MCMC) leh thil tul dang te mipuite hriatthiam theih turin an sawi a; vawiin a Talk Show neih a thupui thlan bik sawi tura sawm te chu heng te hi an ni :

Pu Lalsangliana, MCS, Additional DC, Serchhip (Hrangturzo Constituency R.O.)

Pu F.J. Liantluanga, MCS, Project Director, DRDA Serchhip (Tuikum Constituency R.O.

Pu Lalhmansanga, MCS, Election Officer.

Pu Andrew H. Lalremruata, MIS, DIPRO Serchhip (Member Secretary, MCMC)

Ruahman dan chuan vawiina Talk Show hi tunkar chhung ngeia tihchhuah hman tum a ni a, Talk Show hi CD/DVD a la chhuakin Serchhip District-a Assembly Constituency tina khua zawng zawng a thlen theih nan; Cable Operator leh Sub-operator zawng zawng ten an tihchhuah tura thawn darh a ni ang.