Vawiin hian Lawngtlai BDO BNRGSK Hall ah Lawngtlai District huap inthlannaa sum hmanral chungchang (Election Expenditure) enfiah dan training neih a ni a, kumin inthlan lo awm tura helam thil buaipuitu tur mi 40 ten an hnathawh dan turte an zir.

Vawiin training ah hian Pu Vanlaltanpuia, MCS, SDC, State Level Master Trainer on Election ni bawk chuan Inthlanna sum senso buaipui tu tur team hrang hrang heng: Video Viewing Team, Accounting Team, Flying Squad, Static Surveillance Team, leh Expenditure Monitoring Cell atangte a mi sawmli zet kalkawm te chu an hna thawh tur theuh a zirtir hlawm a, heng team hrang hrang atanga lo kalkhawm official te pawh hian an hna tur bituka an hriat thiam loh leh an chian loh laite chu zawt in sawihona hun tha tak an hmang ho nghal a ni.

He training hi Lawngtlai District chhunga a vawihnih neihna a ni a, expenditure observer lo thlen hunah kimchang zawka la training leh tura ruahmanna siam a ni bawk.