Vawiin chawhnu hian Lawngtlai District DC’s Conference Hall ah District Level Systematic Voters Education and Electoral Participation Committee (SVEEP) chu an thukhawm a, District Bawrhsap, District Election Officer ni bawk PU J. Hmingthanmawia, MCS chuan a kaihruai.

Vawiina SVEEP thut khawmah hian District Bawrhsap chuan inthlanna awm tawhte a Lawngtlai District dinhmun tarlang in Lawngtlai District chu vote thlak tlemna district leh mipui tam dan atanga teha vote thlak thei mihring zat ( Electoral – Population Ratio or EP Ratio) tlemna a nih thu a tarlang a, heng kan hniam bikna te tih hmasawn leh mipui ten kokim taka vote kan thlak theih dan tura ruahmanna siam emaw mipuite hrilh hriat chu SVEEP in a tum laimu a nih dan te a sawi lang a, engtinnge Lawngtlai District in hetiang lamah hma a sawn theih ang tih chu sawi ho a ni.

Tun dinhmunah Lawngtlai district a Chhiarpui hnuhnung bera mipui zat atanga teha vote thlak thei zat (District Electoral-Population Ratio or EP Ratio) chu za zel a sawmnga leh pahnih vel chauh a ni a, India ram pumpui dinhmun za zela sawmruk vel kan pha lo hle a ni. Hei hi engtia hmalak chi nge niang tih sawiho a nih hnuin thingtlang lam mi kum 18 tling tawh si, khawpui lam emaw phai lama lehkha zir vanga Roll Revision neih laia awm hman lote zawn chhuah hna (Special Registrstion Camp) chu EP Ratio hniam zualna bik khaw thlanchhuah 27 ah neih leh ni se ti a an rel bakah vote tlak tlemna Polling Station a bik takin Lawngtlai khawpui L-3 Polling Sation chhung bikah phei chuan mipuite hnena ngenna a tam thei ang ber tlawmngai pawlte kal tlanga neih nise tih leh hmundang dangah pawh mipuite hnena ngenna lehkha sem chhuah nise an ti a, Higher Secondary School leh College ah te pawh hetiang lam inzirtirna Campaign neih nise an ti bawk.

Heng an thurel te hi District Election Officer in naktuk hian District chhunga ARO, AERO leh Booth Level Officert te a tak a kalpui dan tur a sawi pui leh dawn a ni.