Vawiin hian Government Serchhip College Smart Class-Room ah National Science Day, 2018 chu Serchhip College leh Mizoram Science, Technology and Innovation Council tang kawpte buatsaihin hman a ni.
He hun kaihruaitu Pu Laldingluaia Khiangte, Coordinator, Celebration of National Science Day 2018 chuan National Science Day hi kum 1999 atang khan Thupui neia hman thin a ni a, kumina thupui atan “Science and Technology for sustainable future” tih anih thu sawiin, National Science Day in a tum ber chu India rama Science leh a pawimawhna a zau thei ang bera puanchuah a ni a, Science Festival anga hman thin anih thu a sawi bawk.
National Science Day hi Indian Physicist lar Chandrashekhara Venkata Raman (CV Raman tia hriat lar) in kum 1928 February ni 28 “Raman Effect” tia hriat zui tak a hmuhchhuah champha hriatreng nana kum 1987 atanga hman tan a ni.
Vawiina National Science Day hmanna ah hian Dr. Jonathan Lalnunsiama, Assistant Professor, Department of Physics leh Dr. C. Vanlalnghaka, Assistant Professor, Department of Zoology ten zirtirna an pe a ni.
