Vawiin hian Serchhip DC Pi Sangchhin Chinzah, District Level NLUP Committee Chairman ni bawk hovin a pisaah Serchhip District a NLUP Line Department hrang hrang Officer leh District chhunga Bank hrang hrang Officer ten meeting an nei a. NLUP tanpuina Bank kaltlanga sem dan an thlir ho.

Vawiin meeting ah hian NLUP tanpuina dawngtu tam zawkte chu an account ah tanpuina te lo thun sak thin tawh an ni nain, an zavaia account kaltlang ngeia thun sak a nih theih dan tur rel a ni a. Serchhip District chhunga NLUP dawngtu zawng zawngte chu an bank account ah ngei tanpuina sumte hi an dawng vek thei dawn nia hriat a ni. Hetianga hmalak a nih theih nan hian Bank hrang hrangten an lo tih ve tur te, Line Department te nena inpawh taka an thawh ho dan tur te pawh sawi a ni. Tin, Line Department te hian Account Number dik lova tanpuina sumte an thun palh loh nan verification uluk taka nei nawn thin turin ruahmanna an siam bawk.

Vawiin meeting ah hian NLUP District Nodal Officer Pu R. Vanrengpuia leh line department officer te an tel kim a, Bank aiawhte pawh an kal tha hle a ni.

Attachment

  • Loading attachment...