Vawiin chawhma dar 9:30 khan JM High School Serchhip-ah World no tobacco day hman a ni a, Pu Lalzuiliana Headmaster-in he hun hi kaihruaiin Serchhip District Anti-Tobacco Squad member-ten an hmanpui a ni.

He hunah hian Dr. Jane R. Ralte, State Nodal Officer Cum Project Officer, Smoke Free Mizoram, Mizoram State Tobacco Control Society paper buatsaih pathum ‘Live it Up Without Lighting Up’ Global Movement te, Blue Ribbon Campaign ‘Saving Lives from Second hand Smoke’ tih leh ‘Tobacco Industry Interference’ te chu chhiar chhuah a sawi ho a ni a, zirlai ten an hlawkpui hle.

He campaign hun hmannah hian kumin World Anti-Tobacco Day thupui ber ‘Live it Up Without Lighting Up’ behchhanin lam thiam ten lam mawi tak leh awmze nei tak an entir a, kal khawmte rilru a hneh hle.