Hun engemaw chen ata Information Department in Press Release kaltlanga mipuite hnena kan lo puan zar fo tawh, Serchhip khawpui chhung hmun thlan bik panga (5) a Vehicle Parking Fee lak chu vawiin atangin neih tan a ni ta.
Mizoram State Transport Authority ruahmanna anga Serchhipa parking Fee lak chungchang hi nikum kum tawp lam atang khan District Traffic management Committee chuan a taka kalpui tumin ruhmanna a saim tan a. Parking Fee khawnna hmun tur leh a khawnna rate tur te pawh State Transport Authority te nena inrawn chung zela kalpui a nih chhoh hnuah kumin August thla laihawl khan tih fel thawkhat a ni a. District Traffice management Committee chuan September thla laihawl atanga Parking Fee lak tan chu tha tiin a khawntu tur zawnna Tender pawh chhuah nghal a ni. Chumi ruahmanna kal zelah chuan vawiin September ni 15 atang hian a khawn tura thlan ten an khawn tan ta a ni.
Serchhip khaw chhunga Parking Fee lakna hmun tura State Transport Authority in a puan leh rate a rawn bithliah chu hetiang hi a ni:
1. Area 1 - DEO Office (AOC) atanga PWD (Town Hall) peng inkar Chhim lam side zawng. He Area-ah hian darkar khat leh a hnuai lam (up to one hour) ah zel Two Wheeler tan Rs. 5, LMV, Maxi Cab leh Town Bus tan Rs. 10 theuh a ni ang.
2. Area 2 - PWD Peng atanga Police Beat Post (Town Bus Stand) inkar, Chhim lam side zawng. Hetah hian darkar khat leh a hnuai lam (up to one hour) ah zel Two Wheeler leh Three Wheeler tan Rs. 5, LMV tan Rs. 10.
3. Area 3 - Beat Post (Traffic Point) atanga Tripper Stand inkar zawng. Hetah hian darkar khat leh a hnuai lam (up to one hour) ah Two wheeler leh Three wheeler tan Rs. 5, LMV, Maxi Cab, LGV, leh MGV/HGV tan Rs. 10.
4. Area 4 - IOC atanga PWD IB Peng inkar. Hetah hian darkar khat leh a hnuai lam (up to one hour) ah Three Wheeler tan Rs.5
5. Area 5 - New Serchhip College peng. Hetah hiandarkar khat leh a hnuai lam (up to one hour) ah Three Wheeler tan Rs. 5 a ni.
Heng rate te hi darkar bia chhiar chhoh sak zel tur a ni ang.
Three Wheeler leh LMV Public Service, sawrkar in stand a pekte chu an Stand ah nikhat atan Three Wheeler in Rs. Leh LMV in Rs. 10 an pe thin anga. Hei hi anmahni Stand-a an dinna atan chuah niin Parking Area danga an dinnaah erawh chuan Parking Fee pangai, a chunga kan sawi ang khian an chawi ve zel ang.
Lirthei pakhat hi nikhatah a dahna hmun pangaiah darkar 10 chin bak dah phal a nilova, chutiang aia rei dah ngai, thil tul bik a awm chuan thuneitute phalna neih a ngai thin dawn a ni.
