Vawiin chawhma dar 10:00 khan Serchhip District Level Task Force Committee on PMEGP chuan DC Video Conferencing Hall-ah kum 2013 – 2014 chhunga loan diltute tan interview an nei. Serchhip District chhungah hian PMEGP loan hi District Industries Centre (DIC) hnuaiah mi 54 leh Mizoram KVI Board hnuaiah mi 64 in an dil a ni.

He meeting hi Pi Juhi Mukherjee, Serchhip District Bawrhsap-in a kaihruai a, Pi Saikungi, Executive Official, Mizoram KVI Board chu Convener a ni. Loan diltute hi an thathnem deuh avangin interview hi naktuk July ni 12 hian neih chunzawm leh a ni ang.