No.6305/2020-2021

Dated Serchhip, the 21st October, 2020: Vawiin hian Serchhip SP Office tualah Police duty laia nunna chan tate hriatrengna leh zahna lantirna hun Police Commemoration Day hman a ni.

Pu Pc Laltanpuia, MPS, Addl. SP chuan thusawiin ni 21 October, 1959 a India Police ten Ladakh hmuna China sipai an lambunna hmuna Police huaisen tak tak 10 lai maiin nunna hlu tak an chan phah avanga he ni hi ram tana nun petute hriatrengna ‘Commemoration Day’ atan India sawrkar chuan a puang a, kum tin hman thin a nih thu a sawi a. India ram State hrang hrangah ni 1.9.2019 atanga ni 31.8.2020 chhungin Police mi 265 lai thi an awm thu sawiin vanneihthlak takin Mizoram Police zingah hemi hun chhunga duty laia thi an awm loh thu a sawi bawk. Police te chu midang himna atana thawktu kan nih avangin dinhmun him lo taka kan din chang a awm thin a, hripui leng karah pawh rinawm taka kan hna kan thawh a tul thin. Hun harsa tak pawh tawk thin mah ila, mahni hnaah rinawm taka thawk tur kan ni, tiin police kal khawm te a chah a ni.

Ram tana nun hlantute sunna leh anmahni hriatrengna leh zahna lantir nan 3rd Bn. MAP te chuan Shok Parade an nei a. SP office tuala hun an hman zawh hnu hian Serchhip khaw tlangval, ram tana nun hlantu C/122 Biakrotluanga, 2nd Bn. IR, ni 29 November, 2007 a Chhatisgarh a Naxalite hel pawl te chil puah bomb avanga thi ta chhungte an tawrhpuina lantirnan pangpar leh thilpek an hlan a, School a lo kal tawhna thinah amah hriatrengna atana a thlalak an tar bawk a ni.

He hunah hian Pu Kaste Romalsawma, MPS, SDPO leh Police Officer dangte bakah Police departmenta thawktute an tel tha hle a ni.