2489/2026-2027 

Dated Serchhip, 2^nd October, 2026: Nimin khan DC Meeting Hall, Serchhip-ah Special Intensive Revision (SIR) zawh hnua 'Post-SIR Verification & Enrolment Exercise' kalpui tur chungchangah Press Briefing neih a ni. He hun hi Deputy District Election Officer Pi Dorothy Muansangi'n kaihruaiin, Election Officer Pi Lalchhanhimi, AERO Pu Vanthangpuia, MJA President Pu Kapliana Pachuau leh member-te an tel a ni.

Dy. DEO chuan thu sawiin, SIR zawh fel a nih hnuah ERO leh BLO ten polling station tinah SIR 2026 hmaa Electoral Roll leh SIR Electoral Roll thar khaikhin hna an thawk dawn tih a sawi a. Roll hlui-a awm thin, roll thara lang tawh lote chhuichian a, a tul anga field verification tih a nih tur thu a sawi.

He exercise hmang hian electoral roll-a hmaih palh emaw, paih emaw awmte chhuichian bakah, kum tling tharte leh   enrolment tih thar duhte tanpui tum a ni, a ti a. Mipuite chu anmahni hming SIR Electoral Roll-ah enfiah a, hming hmaih emaw siam that ngai emaw a awm chuan BLO/AERO/ERO te hnena kal a, dan anga dilna thehlut turin a chah a. SIR hmaa awm thin, tuna awm ta lote pawh, dan angin in-register leh theih a nih thu sawiin, Electoral Registration hi thil kal reng (continuous process) a ni tih a sawi bawk.

Electoral roll dik leh rintlak neih hi India ram democracy innghahna lungphum pawimawh em em a nih avangin verification exercise neih leh turah pawh hian Serchhip district mipuite chu election official-te thawhpuia, a tul anga tawiawm zel turin a sawm bawk a ni.