2488/2026-2027 

Aizawl, the 1st October, 2026 : Aizawl West II bialtu MLA, Pu Lalnghinglova Hmar chuan vawiin (October ni 1, 2026) khan Dawrpui Vengthara Pu Piangzathanga in chim chu a hmunah a tlawhin, ṭanpuina a hlan.

Pu Piangzathanga in hi September 30 tlai/zana ruah sur nasa avangin a chim a, bungrua engmah chuh hman a ni lo a, thi leh hliam erawh an awm lo. He in hi Assam Type-a sak niin ruah sur nasa leh tui luanna fel lo avangin a min nia hriat a ni. 

Bialtu MLA hian a in neitute chu sawrkar atanga tanpuina Rs 1,30,000/- pek an nih dawn bakah, puihna awm thei ang ang ngaihtuahpui an nih tur thu a sawi a; in luahtu chhungkaw hnihte Rs 20,000/- ve ve-a a ṭanpui bakah in chimin a bula in a tih chhiat chhungkaw puih nan Rs 10,000/- a hlan bawk.

Pu Lalnghinglova Hmar hian hnatlang thingpui lumna tur Rs 10,000 chu Dawrpui Vengthar Local Council hnenah a hlan bawk a ni.