2487/2026-2027

Champhai dated the 1st October, 2026: Champhai District Election Officer Pu Mohammad Aaquib chuan vawiin tlai khan SIR chungchangah Chanchinbumite a kawm.

DEO chuan Special Intensive Revision, 2026 neih zawh takah khan ERO-te thutluknaa lungawi lohna neite tan Appeal dilna theih luh theih hun chu September ni 22, 2026 thleng khan hun hawn anih thu sawiin, SIR tih chhunga voter paih zing ami mi 685 te chuan appeal an thehlut tih a sawi a. Appeal thehluttute tan hian District Election Officer, Champhai chuan hearing a buatsaih mek a, nimin thleng khan mi 112 te hearing neih niin hearing hi kalpui mek a ni.

District Election Officer tarlan danin, voter atanga paih te hi a tam zawk chu hearing neih laia kal lo te an ni a, mapping a tel lo mi 300 chuang an awm bawk. 

SIR 2026 ah khan voter 2,267 te chu paih an ni a, pemchhuak tawh leh mitthite nen mi 3000 tling lo deuh paih an ni. ERO-te thutluknaa lungawi lohna nei, appeal dilna thehlut si lote chu voter atanga paih an ni dawn a ni.

Election Commission of India thuchhuah angin India khua leh tui dik tak, kum tling tawh, SIR 2026-a hmaih palh te an awm chuan Electoral Roll-a thun an nih theih nan Continous Updation Process hnuaiah Champhai District huamchhungah Special Drive neih a ni leh dawn a ni.

Vawiina tlai Press Meet-ah hian MJA Champhai, AIR Correspondent leh DIPRO aiawhte an tel a ni.