Serchhip District Child Protection Unit leh DIET, Serchhip bultumin vawiin nileng khan DIET Conference Hall, Serchhip Chanmari Veng-ah Serchhip District chhunga Primary School hrang hranga “Nodal teachers for protection of child rights” te pualin Training pawimawh tak buatsaih a ni a, training hi Pu Zohmingthanga, District Education Officer chuan khuallian niin a hawng a ni.

Vawiin Training-ah hian Serchhip District chhung hmun hrang hrang atangin Primary Zirtirtu 77 an tel thei a, naupangte venhimna chungchanga zirtirtute mawhphurhna leh tihtur te, naupangte venhimna atana Dan hrang hrang awm te leh naupangte rilru sukthlek chungchang zirtirna hun hman a ni.

Vawiin training programme hi Pu Lalrammawia, Principal, DIET, Serchhip chuan kaihruaiin thupui hrang hrang “Programmes & Services of ICPS-An Overview”, “Child Rights and Protection-The Role of Teachers”, “Juvenile Justice (Care and Protection of Children) Amendment Act, 2011”, leh “Child Psychology” tih hmanga mithiam thlan bikte paper buatsaih zirbingna hun hman a ni a, sawihona hun hman zel a ni bawk.