Vawiin chawhma dar 11:00 khan Serchhip Leisekawt Field ah Serchhip District Bawrhsap Pi Juhi Mukherjee IAS hovin India Republic Day vawi 66-na urhsun taka lawm a ni a, Bawrhsap hian Republic Day lawmna hmun a thlen veleh India hnam puanzar a pawt pharh a, hemi zawh hian Republic Day Ceremonial Parade Contingent  15 (Armed Contingent-1, Unarmed Contingent-2 leh School Contingent-12) te chu endikin Parade Commander Sub-Inspector Lalengliana, 3rd Batallion M.A.P kaihhruai March Past parade contingent te chibai buk a chhanglet nghal a,10 Assam Rifles Pipe Band in India hnam hla an rem bakah March Past neih laiin rimawi an tum bawk a ni.

District Bawrhsap Pi Juhi Mukherjee chuan, Mizo Tawnga thu sawiin India ram in Danpui (Constitution) mipuiten anmahni tana an siam anih avangin India ram ropuina chu khua leh tui te kutah a innghat a ni a ti a, he danpui avang chauh hian rorelna dik, zalenna, intluktlanna leh inunauna kan neih phah a ni a ti bawk.

Kum hmasa lama Sawrkarin Serchhip District hmasawnna atana hma a lak chi hrang hrang tarlangin Dan leh Hrai kenkawh leh mipui himna ngaihtuah kawngatlawmngai pawl hrang hrang ten sawrkar thuneitute an tawiawm that avangin Serchhip District chu Mizorama District ralmuang ber a chhal hial ngam ni a a hriat thu sawiin lawmthu a sawi nghal a, Parliamentary Election ah pawh Mizorama vote tlak thatna ber District an ni tih a sawi bawk. NLUP dawngtute thawhrimna leh an hlawhtlinna a mit ngeia a hmuh thin avanga lawmawm a tih thu leh NLUP beneficiary te a chuan thu sawiin UN Team pawh Serchhip ah zinin marketing tha a awmtheih na tura hma an lakpuina pawhin awmzia a nei chhoh zel a beisei thu a sawi bawk.

PMGSY hnuaia kawng sial hrang hrang Chhingchhip-Hmuntha, Khawbel-Hmuntha, E.Lungdar-Sailulak, Chhingchhip-Hualtu, Chhingchhip-Thentlang, Lungpho-Thinglian, Chhawrtui-Vanchengpui, Rullam-Lungpho, Lungpho-Hmunzawl te pawh a hun taka zo thei tura theihtawp chhuah anih mek thu a sawi a, Faina kawnga beihpuithlakna “Swachh Bharat Abhiyan” pawh a hlawhtling chho zeal a hriat thu leh chhungkaw tin tan inthiarna in mumal tak neih theuh  a pawimawh zia a sawi bawk a ni. Bawrhsap hian Kawlri aEklavyaSchoolsak zawh anih tawh thu leh kumthar Academic Session atanga Class tan theih anih tur thu a sawi a,ChhingchhipaSainikSchooltur sak hna pawh chak taka kalpui mek anih thu a sawilang bawk.

Nursing School, khum 50 len theihna tur Serchhip a sak mek anih thu leh Thenzawla AYUSH damdawiin sak mek anih thu tarlangin, Dawngzawl a Serchhip District Park pawh mip0uite tan hawn fel anih tawh thu a sawi a, Boxing Hall pawh New Serchhipah sak zawh tep anih thu te, SAGY Scheme hnuaia Lok Sabha leh Rajya Sabha MP ten model village tur atana Serchhip District a mi Khawlailung leh Chhiahtlang an thlan thu te, Mizoram State Livelihood Mission kalpui mek anih dan te leh hmasawnna atan Biometric Enrolment tih a pawimawhzia te uar takin a sawi bawk.

Bawrhsap hian naupang huaisen Saidingpuia Sailo, kum 9 a upa, Ngentiang khua a Pu Lalbiakzuala fapa chuan a thianpa tuitla a chhan na ah a nunna a chan thu leh Naupang Huaisen lawmman “National Bravery Award” dawng tura a recommend thu sawiin, Sawrkar Laipuia thuneitu sang zawk ten Award dawng tura an thlan zinga a tel velo chu pawi a tih thu a sawi a, he naupang huaisen hi chawimawi a phu em avang leh hriatreng anih theih nan chawimawina hlan phalsak tura Mizoram sawrkar a dil dawn thu a sawi bawk.

Bawrhsap hian March Past Parade contingent te hnenah hian lawmman a sem nghal a, a titha zualte chu : Pakhatna – Marian High School, Serchhip, Pahnihna – Presbyterian High School, Serchhip, Pathumna – Chawngbuangi Memorial School, Serchhip te an ni a, parade contingent zawng zawng hnenah participation prize sem vek a ni.

Republic  Day pual hian tukin (January ni 26) khan JNM Hospital (Poor Fund), Salvation Army Old Age Home, Adult Rehabilitation Centre leh Shalom Special School ah te Republic Day lawmna thilpek sem a ni bawk.

Republic Day pual inkhawm zawh anih hnu hian DC’s at Home chu sawmbikte tan DC office tualah neih a ni