India in British sawrkar awpbehna hnuai ata a indan hnua mahni a ro inrel hranga, Constitution a hman tanna Ni vawi-66- na chu vawiin chawhma dar 10:30AM khan District Playground, Saiha Vengpuiah ropui leh urhsun taka lawm a ni.

Zing dar 10 : 30AM-ah khuallian Pu Beila Khiethie, Additional Deputy Commissioner, Saiha District Saiha chuan hnampuanzar pawtparh in Republic Day thuchah a sawi zui nghal a. India Republic Day hi kan ram tan Ni chhinchhiah tlak, Constitution in a mahni ke a ding, mipuite rorelna ram leh sakhaw intluk tlanna ram a min siam Ni a ni, a ti. Mitin te chu Dan hnuaia inangtlang vek a lengkanni a ti bawk. Saiha District chhunga sawrkar department hrang hrang hmalakna te leh an hmachhawp mekte chipchiar taka tarlangin NLUP hnuaia Line Departments hrang hrang heng- Horticulture, Agriculture, Veterinary, Sericulture, Industry, Soil & Water Conservation leh Fisheries te chuan 1st  Installment  sum an sem zawhtawh  thu leh  2nd, 3rd leh 4th phase erawh hmalak mek a ni, a ti . “Chief Minister Special Package” hnuai-ah NLUP tanpuina Saiha District Cluster-ah mi 29 leh Palak Cluster-ah mi 49 ten tanpuina an dawn tawh thu a sawi bawk. AH & Vety Department-ah pawh NLUP first phase-ah mi 777 hnenah Rs 1,00,000/- theuh pek niin, 2nd phase-ah mi 1146 zingah Diary Farming mi 6 hnenah first Installment pawh pek vek tawh a ni, ati bawk. Industries Department hnuaiah pawh Knitting & Tailoring Centre a awm thu leh trainees 44 lai an awm thu a tarlang bawk. Agriculture Department hmalakna sawi langin heng NLUP,RKVY,NFSM-Pulses leh ATMA hmang te in hma an lak mek thu a sawi a.PHE Department hnuai a sawrkar hmalakna sawiin National Rural Drinking Water Programme chu chak taka kalpui anih thu a sawi. Power & Electricity Department pawhin RGGVY Scheme hnuaiah leh New Electrification Scheme hnuaiah hna chak taka an kalpui mek a ni thu a sawi a. DRDA in hma a lak dan tarlang in MGNREGA,BRGF, IAY leh IWMP hmangin hna chaktaka kalpui a ni a ti bawk

He Ni lawmnaah hian Parade Contingents 14 awmin Uniform Contingents 6 leh, School Contingents  8 an awm a. Uniform Contingents a lawmman dawngtute chu 1st- MRHG,2nd- MRP leh 3rd- MAP te an ni. School Contingents a lawmman dawngtute chu 1st-GraceEnglishAcademy, 2nd-DonBoscoSchoolleh 3rd-HillGateSchoolte an ni. Parade Contingents zawng zawng te hnenah hian Consolation Prize pek vek an ni. He Ni lawmna pual vek hian heng Department hrang hrang hrang DAO,LAD(MADC) DVO,PWD,SP, DRDA E&F MADC leh Agriculture  (MADC) ten an department hmalakna hrang Tableau hmuhnawm tak hmangin an entir a. He Tableau Show-a lawmman  dawngtute chu 1st- Agriculture (MADC), 2nd- DRDA leh  3rd- DVO te niin, Tableau Show tute hnenah Consolation Prize pek vek an ni bawk. He Republic Day puala Essay Writting Competition buatsaihah 1st- Lalremruati Class-IX A.E.S., 2nd- Lalsangzuala leh 3rd- Eliss S.Vanlalmalsawmi ten lawmman an dawng a. Poetry inphuahsiakah lawmman dawngtute chu 1st- HC Vanlalthakima Class-IX, 2nd -J.Lalremruati Class IX leh 3rd- Julie Ngozi niin an vai hian A.E.A.( Adventist English School) School an ni. He Ni pual vek hian Badminton Competition neih niin Cattegory pathuma then a ni a. Lawmman hrang hrang te hi Khuallian hian a hlan nghal a ni.

Chawhnu  dar 1 : 00PM-ah sawmbikte pualin “At Home” DC’s Bungalow-ah neih a ni a, chawhnu dar 2 : 00PM-ah  Republic Day, Football  Final, United Sporting Club, Saiha Vengpui leh New Colony Football Club ten an khel nghal a ni.