Serchhip District Legal Services Authority buatsaihin vawiin chawhma dar 11:00 khan DC’s Conference Hall, Serchhip ah Legal Awareness Campaign neih a ni a, Marian High School, Presbyterian English School (High School Section) leh Lal Thanhawla Higher Secondary School aṭangin naupang leh zirtirtu mi 270 vel an kalkhawm a, Resource Person atan Pu T. Lalnunsiama, Advocate hman a ni.
He programme hi Pi Lalrochami Ralte MJS, Secretary, Serchhip District Legal Services Authority-in a kaihruai a, sikul naupangte chu an dikna chanvo te hriaa hmang ṭangkai turin a chah a, Serchhip District chu dan leh hrai hriatna an la hnufual thu leh dan hremi pawh an la awm vak loh avangin thahnemngaih a na zual a ni tiin zirlai naupangte chu dan lam zir tam turin a chah bawk. Resource Person Pu T. Lalnunsiama hnen aṭangin dan leh hrai chi hrang hrang te bakah National Legal Services Authority kalphung te ngaihthlak a ni.
He hunah hian Pu Lalhmansanga MCS, Election Officer, Serchhip-in SVEEP chungchanga school naupangte hriat tur leh voter te dikna chanvo leh an tih tur te hrilhin thusawina hun a hmang bawk a ni.
