Vawiin hian Serchhip District Sericulture Department chuan an Office ah NLUP 3rd & 4th Phase hnuaia Beneficiary te hnenah tanpuina pawisa fai leh hmanruate an sem chhuak.

Vawiina NLUP tanpuina sem chhuah te hi 3rd Phase atangin chhungkaw 14 hnenah 3rd Instalment pawisa Rs 10915.00 theuh pek an ni a, Chhiahtlang khua a mi chhungkaw 12, New Serchhip a mi chhungkaw 1 leh Baktawng khuaa mi chhungkaw 1 te hnenah pek an ni a, pangang vulhna hmanrua leina tur pawisa a ni.

4th Phase atangin 1st Instalment Rs. 10000 zelin chhungkaw 3 hnenah pek bawk niin hei hi Pangang chaw chinna hmun tur buatsaihna atana pek an ni a, 4th Phase vek atangin 2nd Instalment Rs. 19800.00 theuh chu chhungkaw 5, Chhiahtlang khuaa mite hnenah pek an ni bawk. Hei hi Calendar of Work ang in Pangang chaw chinna atana hman tur a ni ang.

Heng pawisa fai bakah hian vawiin vek hian Sericulture Department hian chhungtin te hnenah Rangva Bundle 4, Plastic Tray 5, Cleaning Net 60, Parafin Paper 52 leh mau a siam Tray 80 theuh Beneficiary te hnenah hian a pe nghal bawk a ni.

Vawiina NLUP pawisa leh bungrua semna hi Pu V. Zothansanga, District Sericulture Officer chuan kaihruaiin, a dawngtute chu an dawn chhan ang takin an tanpuinate an hmang em tih a hmunah kala an enfiah leh vek tur thu a hrilh a, sawrkar in eizawnna ngelnghet pek tuma a tanpuina chu engmah lova tlak ral mai mai lo turin a ngen a ni.