Vawiin chawhnu khan Serchhip DC office-ah Serchhip District chhung mi leh sa sipai tang lai hmun hrang hranga awm mek te vote thlak na tur Postal Ballot buatsaih a ni a, heng Service Voters te hian an awmna hmun theuh atanga an bial aiawhtur an mi duhzawngte an thlan ve theih nan Postal Ballot-te hi naktuk hian an awmna hmun theuh thleng turin dakah thawndarh a ni dawn a ni.

Serchhip District chhunga Assembly Constituency pathumah hian Sipai, service voters Electoral Roll-a hming chuangte hi 327 an ni a, 26-Serchhip Assembly Constituency -ah Voters 132 an awm a, 27-Tuikum Assembly Constituency -ah 98 awmin 28-Hrangturzo Assembly Constituency -ah 97 an awm a ni.