UD&PA Department, Serchhip buatsaihin Serchhip District ah a hmasa ber leh a vawi khatna atan thla ruk awh tur SJSRY Training neih a ni a,training hawnna hi vawiin chawhma dar 11 khan Serchhip DC’s Meeting Hall-ah neih a ni a, District Project Officer SJSRY, Pu S.T. Lalhmingmawia’n Training hawnna inkhawm hi kaihruaiin Training kalphung te sawiin zirtirna a pe a ni.

Pu Lalfakzuala Addl. DC pawh in Trainees te fuihna leh Training hawnna sawiin, Trainees te hman tur bungrua a sem a, Trainee te hi Puan thui (Tailoring) ah mipa 10 leh hmeichhia 20, Furniture Workshop ah mi 10, an vaiin mi 40 an ni a, an training chhung hian stipend, thla tin Rs. 500 an dawng theuh ang a, training chhuak te hnenah anmahnin eizawnna an neih zui theih nan hmanrua pek an ni ang a,Training Centre te hnenah thla tin Rs.500 mi pakhat tan pek tur a ni bawk. Training Centre atan hian Furniture Workshop 5, Puanthuina (Mipa tan) 1 leh Puanthuina (Hmeichhe tan) 2 thlan an ni.