Nimin khan Pu K.Lianzuala MLA, Chairman Mizoram KVI Board chuan Serchhip Town Hall ah Mizoram KVI Board buatsaih State Level PMEGP Exhibition chu Khuallian ni in a hawng. He Exhibition hawnna inkhawm Serchhip Town Hall kawt a neih hi Pu H.Darzika, Serchhip D.C. in a kaihruai a, Khuallian Pu K.Lianzuala chuan KVI tobul sawiin India Hnampa Pu Mahatma Gandhi an ram intodelh nana Village Industries pawimawh zia hria in ama hovin KVI hi duanchhuah a nih thu a sawi a, Employment Problem tihkian nan leh hna neilo hna siamsak an nih theih nana India sorkar in hma a lak dan leh Programme thar Prime Minister Employment Generation Programme (PMEGP) a duanchhuah dan te, he Programme tihlawhtling tur hian KVI, Bank leh DIC te hma la tura ruat an nih dante a sawi bawk.
Pu Lianzuala hian Mizoram Sorkar Pu Lalthanhawla kaihhruai in kan ram intodelh nan NLUP a kalpui mek ah a dawngtu tur mipui ten rinawm leh taima taka an sum dawnte an hman a ngaih thu sawiin NLUP tihlawhtling tura tanla turin kalkhawm mipuite a fuih a, Pawisa hman dik loh in Ram, chhungkua leh mimal a tihchhiat theih avangin NLUP dawngtu turte I fimkhur ang u a ti bawk.
Pu Lalsawmzuala CEO, Mizoram KVI Board pawhin PMEGP Exhibition neih a nih chhan sawiin, Industry hrang hrang a thilsiam chhuak tuten an thilsiam chhuahte hralhna an hriat loh hlauh avanga, a hralhna lama inpuih theihna a nih avangin he Exhibition hi buatsaih a nih thu a sawi a. PMEGP hnuaia Loan dil dan kalhmangte Margin Money in pek dan chuangchangte a sawifiah a, Village Industries in Ram pumpui Economy a chawikan theih dante sawiin, mipuite chu India sorkarin anmahni chawikan nana Programme a duanchhuah PMEGP chu chhawr tangkai turin a sawm bawk.
He State Level PMEGP Exhibition ah hian Dawr 42 vel awmin heng dawr ahte hian thil siamtuten an thil siamchhuahte an pho lang a, Mipui in an hlut hle.
Pu Lalsawmzuala CEO, Mizoram KVI Board pawhin PMEGP Exhibition neih a nih chhan sawiin, Industry hrang hrang a thilsiam chhuak tuten an thilsiam chhuahte hralhna an hriat loh hlauh avanga, a hralhna lama inpuih theihna a nih avangin he Exhibition hi buatsaih a nih thu a sawi a. PMEGP hnuaia Loan dil dan kalhmangte Margin Money in pek dan chuangchangte a sawifiah a, Village Industries in Ram pumpui Economy a chawikan theih dante sawiin, mipuite chu India sorkarin anmahni chawikan nana Programme a duanchhuah PMEGP chu chhawr tangkai turin a sawm bawk.
He State Level PMEGP Exhibition ah hian Dawr 42 vel awmin heng dawr ahte hian thil siamtuten an thil siamchhuahte an pho lang a, Mipui in an hlut hle.
