Vawiin hian Serchhip DC Meeting Room ah Swachh Surveksahn Grameen (Thingtlang khaw fai inelna) 2018 Serchhip District tana hawnna buatsaih a ni a. Pi Sangchhin Chinzah, Bawrhsap chuan a hawng.

A hawnna thusawiah Pi Sangchhin Chinzah chuan, Mizote hi hnam thuawih thei tak kan nih avangin, faina kawnga inzirtirna pawh thil huphurhawm a ni lova. Theihtawp chhuaha kan beih tlan chuan District fai tak akn ni thei ang tih ka ring a ni. Faina lama tuna kan dinhmun pawh hi a chhe lo hle a, hei aia nasa deuh hleka invawn tum ila, kan fel duak theiin a rinawm a ni, a ti.

Thingtlang khaw fai inelna hawnna ah hian Pu Samuela Lallawmzuala, Co-ordinator, Swachh Bharat Missions chuan inelna kalphung leh a endikna tehfung hrang hrangte sawifiahna a nei a,  ODF Status te, Geotagging MIS uploading percent te, School, Anganwadi, Biakin, Vantlang hmun vawn faina leh chhungkaw tin inthiarna dinhmun te, Awareness lama mipuite dinhmunte chu tehna langsar an ni dawn a ni.