State Transport Authority thuchhuak, District khawpui tina Vehicle Parking Fee khawn tura ruahmanna kal mekah, Serchhip khawpui hmun thlan bikah pawh Parking Fee September, 2017 thla vel atanga khawn tan tawh tura ruahmanna siam mek a ni. 

Serchhip khaw chhung hmun thlan bikah Parking Fee khawn a nih tur thu hi District Traffic management Committee chuan State Transport Authority te nena inbe tawn chungin a lo ngaihtuah tawh a, Committee thu chhuak pawh Serchhip mipuite hriat atan Information Department chuan Press Release a lo siam tawh a ni. Tunah hian a taka kalpui tawh turin District Traffic Management Committee hi in puahchah mekin Chairman Pi Sangchhin Chinzah, DC, Serchhip chuan September thla atang vela khawn tan tuma ruahmanna siam a nih thu sawiin, tunah chuan collector tender chhuah tura hmalak mek a ni a, tihfel thuai a nih beisei a ni, a ti. Khawpui chhunga a khawnna hmun tur thlanchhuah te, Parking fee rate leh thil pawimawh dangte chu a hranpaa Press Release la tihchhuah leh a ni ang. 

Hetianga ruahmanna kalpui a nih tak avang hian khawpui chhung kawngpui kama lirthei zan riah thin te, kawngkam tihnawk thei bungrua leh thil dang dah mekte pawhin an bungruate lo seng hawi tur leh lirthei dahna neilote pawhin a dahna lo nei thuai turin kan inngen a ni e.