Serchhip District Legal Services Authority bul tumin vawiin chawhnu dar 2:30 khan Serchhip DC Office Chamber-ah Serchhip Bawrhsap Pi Juhi Mukherjee, IAS hovin Serchhip District a a vawikhat nan “Victims of Crime Compensation Scheme” (pawikhawihna a a tuartu/victim ten zangnadawmna an hmuh theih dan tur) chungchang sawiho a ni.

Vawiin thutkhawm hi Pi Lalrochami, MJS, Senior Civil Judge in a kaihruai a, Serchhip Bawrhsap, Superintendent of Police, YMA Sub-Headquarters, Serchhip, MHIP Sub-Headquarters, Serchhip, MUP Sub-Headquarters, Serchhip, bakah Serchhip District Consumers’ Association aiawhte an tel a ni.

“Mizoram Victims of Crime Compensation Scheme 2011” in ruahmanna a siam angin BPL chhungkuaa mi misual kuta thite leh pawngsual tuartute chu zangnadawmna pek theih an ni a a a tuartu (victim) ten vanduaina an tawh dan azirin  Rs. 5,000/- atanga Rs. 1,00,000/- thleng zangnadawmna (compensation) hi pek theih a ni.

Vawiin thutkhawmah hian Serchhip District a case lut hmasa ber pahnih kum 2014 a naupang kum riat mi pawngsuala thah tak chungchang leh kum 2014 vek a naupang kum ruk mi pawngsual tawk chungchangte compensation pek dan tur ngaihtuah a ni.